ہم کہاں کے دانہ ہیں ہم کہاں کے سودائی

ہم کہاں کے دانہ ہیں ہم کہاں کے سودائی

اپنی اپنی آنکھیں ہیں اپنی اپنی بینائی

ایسا کیا مرض ہے جو ٹھیک ہی نہیں ہوتا

ایسا کیا مسیحا ہے ایسی کیا مسیحائی

یوں تو سانحے سارے گزرے ہیں سماعت پر

جس کے منتظر تھے ہم وہ صدا نہیں آئی

تیرگی میں کھو جاتا بیتی بات ہو جاتا

کس نے میرے رستے میں روشنی یہ چھترائی

حاصل وفا کیا ہے پھر سے پوچھتا کیا ہے

اور کیا سنے گا اب کہہ دیا نہ رسوائی

میں تو ان کے جھگڑوں سے تنگ آ گیا ترکشؔ

عقل میری صابر ہے دل مرا تمنائی