hum KHud ko pukaren bhi to aksar nahin aate
ham ḳhud ko pukāreñ bhī to aksar nahīñ aate
andar hī paḌe rahte haiñ bāhar nahīñ aate
laate haiñ kisī ashk-e-mohabbat kā sañdesa
aise to tirī chhat pe kabūtar nahīñ aate
maiñ gard-e-safar oḌh ke lauTā huuñ tirī samt
varna mire jaise kabhī muḌ kar nahīñ aate
ik soch hameñ khīñch ke laa.ī hai yahāñ tak
kuchh soch ke dahlīz ke andar nahīñ aate
ye maiñ huuñ shab-e-tār hai ye jaltā huā dil
ab ḳhvāb tumhāre mujhe yaksar nahīñ aate
hum KHud ko pukaren bhi to aksar nahin aate
andar hi paDe rahte hain bahar nahin aate
late hain kisi ashk-e-mohabbat ka sandesa
aise to teri chhat pe kabutar nahin aate
main gard-e-safar oDh ke lauTa hun teri samt
warna mere jaise kabhi muD kar nahin aate
ek soch hamein khinch ke lai hai yahan tak
kuchh soch ke dahliz ke andar nahin aate
ye main hun shab-e-tar hai ye jalta hua dil
ab KHwab tumhaare mujhe yaksar nahin aate
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
