hum ko manzur tumhaara jo na parda hota

Waheed Akhtar

hum ko manzur tumhaara jo na parda hota

Waheed Akhtar

MORE BYWaheed Akhtar

    ham ko manzūr tumhārā jo na pardā hotā

    saarā ilzām sar apne na aayā hotā

    dost-ahbāb bhī be-gāne nazar aate haiñ

    kaash ik shaḳhs ko itnā bhī na chāhā hotā

    muft māñgā thā kisī ne so use baḳhsh diyā

    aisā sastā bhī na thā dil jise bechā hotā

    jaan kar ham ne kiyā ḳhud ko ḳharāb-o-rusvā

    varna ham vo the farishtoñ ne bhī puujā hotā

    ahl-e-duniyā ko bahut ham se bhī ummīdeñ thiiñ

    zindagī tujh se magar apnā na jhagḌā hotā

    nāseho ham ko bhī anjām-e-junūñ hai mālūm

    us ko samjhāo jo ye sab na samajhtā hotā

    vo ḳhirad-mand vo bā-hosh 'vahīd' aaj kahāñ

    milne vāloñ se kabhī tum ne ye pūchhā hotā

    hum ko manzur tumhaara jo na parda hota

    sara ilzam sar apne hi na aaya hota

    dost-ahbab bhi be-gane nazar aate hain

    kash ek shaKHs ko itna bhi na chaha hota

    muft manga tha kisi ne so use baKHsh diya

    aisa sasta bhi na tha dil jise becha hota

    jaan kar hum ne kiya KHud ko KHarab-o-ruswa

    warna hum wo the farishton ne bhi puja hota

    ahl-e-duniya ko bahut hum se bhi ummiden thin

    zindagi tujh se magar apna na jhagDa hota

    naseho hum ko bhi anjam-e-junun hai malum

    us ko samjhao jo ye sab na samajhta hota

    wo KHirad-mand wo ba-hosh 'wahid' aaj kahan

    milne walon se kabhi tum ne ye puchha hota

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY