ham na vahshat ke maare marte haiñ
terī dahshat ke maare marte haiñ
maar mat be-muravvatī se unheñ
jo muravvat ke maare marte haiñ
shikva kyā kiije shām-e-ġhurbat kā
apnī shāmat ke maare marte haiñ
kyā raqīboñ ko māriye vo aap
sab raqābat ke maare marte haiñ
yaar se duur haiñ vatan se judā
is musībat ke maare marte haiñ
saikḌoñ us se haiñge ham-āġhosh
lākhoñ hasrat ke maare marte haiñ
kuchh hamārī na pūchhiye sāhab
ham to ġhairat ke maare marte haiñ
hai ajab ziist 'muntazir' un kī
jo ki ulfat ke maare marte haiñ
hum na wahshat ke mare marte hain
teri dahshat ke mare marte hain
mar mat be-murawwati se unhen
jo murawwat ke mare marte hain
shikwa kya kije sham-e-ghurbat ka
apni shamat ke mare marte hain
kya raqibon ko mariye wo aap
sab raqabat ke mare marte hain
yar se dur hain watan se juda
is musibat ke mare marte hain
saikDon us se hainge ham-aghosh
lakhon hasrat ke mare marte hain
kuchh hamari na puchhiye sahab
hum to ghairat ke mare marte hain
hai ajab zist 'muntazir' un ki
jo ki ulfat ke mare marte hain
Source :
- Book : Ghazal Usne Chhedi(2) (Pg. 142)
- Author : Farhat Ehsas
-
Publication : Rekhta Books
(2017)
- Edition : 2017
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.