aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hum na-qishon ke daur mein kaamil hue to kya

Imdad Ali Bahr

hum na-qishon ke daur mein kaamil hue to kya

Imdad Ali Bahr

MORE BYImdad Ali Bahr

    ham nā-qishoñ ke daur meñ kāmil hue to kyā

    ujḌe hue ilāqe ke aamil hue to kyā

    ham ko to iftiḳhār hai paiġhām-e-yār par

    jibrīl āsmān se nāzil hue to kyā

    muddat se phir rahī hai chhurī jān-e-zār par

    ham aaj teġh-e-yār se bismil hue to kyā

    dāġhoñ meñ us ke dāġh-e-mohabbat kahāñ

    laale ke phuul ham se muqābil hue to kyā

    rāhat nasīb ham ko huī rahmat ai karīm

    Takrā ke sar bahisht meñ dāḳhil hue to kyā

    phūloñ meñ zar luTā na gul-e-surḳh kabhī

    be-faiz log raunaq-e-mahfil hue to kyā

    us sifat yahī hai ki be-māñge murād

    dargāh meñ karīm ke saa.il hue to kyā

    āsān haiñ jo nāḳhun-e-taqdīr tez hai

    matlab hamāre uqda-e-mushkil hue to kyā

    murdoñ ko zinda kījiye nām-āvarī ye hai

    iisā banāo aap ko qātil hue to kyā

    har-dam charāġh-e-dil idhar lau lagī rahe

    ham apnī yādgār se ġhāfil hue to kyā

    hogā na ek rañg ḳhizān-o-bahār

    būḌhe agar javānoñ ke shāmil hue to kyā

    apne ma.āl-e-kār se jab be-ḳhabar hue

    hāfiz hue to ḳhaak jo fāsil hue to kyā

    tan se mafāriqat nahīñ kartī tab-e-firāq

    ta.avīz bhī gale meñ hamā.il hue to kyā

    ai 'bahr' bāġhbān minnat balā kare

    do-chār phuul baaġh se hāsil hue to kyā

    hum na-qishon ke daur mein kaamil hue to kya

    ujDe hue ilaqe ke aamil hue to kya

    hum ko to iftiKHar hai paigham-e-yar par

    jibril aasman se nazil hue to kya

    muddat se phir rahi hai chhuri jaan-e-zar par

    hum aaj tegh-e-yar se bismil hue to kya

    daghon mein us ke dagh-e-mohabbat ki bu kahan

    lale ke phul hum se muqabil hue to kya

    rahat nasib hum ko hui rahmat ai karim

    Takra ke sar bahisht mein daKHil hue to kya

    phulon mein zar luTa na gul-e-surKH ka kabhi

    be-faiz log raunaq-e-mahfil hue to kya

    us ki sifat yahi hai ki be-mange di murad

    dargah mein karim ke sail hue to kya

    aasan hain jo naKHun-e-taqdir tez hai

    matlab hamare uqda-e-mushkil hue to kya

    murdon ko zinda kijiye nam-awari ye hai

    isa banao aap ko qatil hue to kya

    har-dam charagh-e-dil ki idhar lau lagi rahe

    hum apni yaadgar se ghafil hue to kya

    hoga na ek rang KHizan-o-bahaar ka

    buDhe agar jawanon ke shamil hue to kya

    apne maal-e-kar se jab be-KHabar hue

    hafiz hue to KHak jo fasil hue to kya

    tan se mafariqat nahin karti tab-e-firaq

    tawiz bhi gale mein hamail hue to kya

    ai 'bahr' baghban ki minnat bala kare

    do-chaar phul bagh se hasil hue to kya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now