humne apne gham ko dohraya nahin

ham ne apne ġham ko dohrāyā nahīñ

vo purānā giit phir gaayā nahīñ

jis ko paane kī du'ā karte rahe

vo milā bhī to use paayā nahīñ

ye to hai us se bichhaḌ kar phir kabhī

dil kisī patthar se Takrāyā nahīñ

ek lamha aa.e the ham hosh meñ

phir kabhī vaisā nasha chhāyā nahīñ

chārāgar kī kyā kaheñ ham ne kabhī

ḳhud ko apnā zaḳhm dikhlāyā nahīñ

aaj kitnī muddatoñ ke baa'd phir

dil akele meñ bhī ghabrāyā nahīñ

jism kī sarhad se bāhar aa ga.ī

ab mohabbat par koī saaya nahīñ

hum ne apne gham ko dohraya nahin

wo purana git phir gaya nahin

jis ko pane ki du'a karte rahe

wo mila bhi to use paya nahin

ye to hai us se bichhaD kar phir kabhi

dil kisi patthar se Takraya nahin

ek lamha aae the hum hosh mein

phir kabhi waisa nasha chhaya nahin

chaaragar ki kya kahen hum ne kabhi

KHud ko apna zaKHm dikhlaya nahin

aaj kitni muddaton ke ba'd phir

dil akele mein bhi ghabraya nahin

jism ki sarhad se bahar aa gai

ab mohabbat par koi saya nahin