ہم نے دیکھے عجب عجب گونگے
تھی زباں تو مگر تھے سب گونگے
کر شکایت نہ بے زبانوں کی
نطق والے ہوئے ہیں جب گونگے
حشر برپا ہے بیچ دریا میں
دونوں ساحل ہیں لب بہ لب گونگے
یہ عنایت ہے عہد حاضر کی
سلسلہ ہائے روز و شب گونگے
بے ادب ہوں زباں دراز اگر
ہو ہی جاتے ہیں با ادب گونگے
زود گوئی میں جو ہوئے بدنام
بن کے بیٹھے ہوئے ہیں اب گونگے
ان کو پانی کوئی نہیں دیتا
جو بھی نادمؔ ہیں تشنہ لب گونگے
مأخذ:
دھوپ میں صحرا نوردی (Pg. 43)
- مصنف: نادم بلخی
-
- ناشر: مصطفیٰ بلخی
- سن اشاعت: 1987
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
