humne ek umr mein kya kya na jahan dekhe hain

ham ne ik umr meñ kyā kyā na jahāñ dekhe haiñ

āsmāñ dekhe haiñ aur qa.ar-e-nihāñ dekhe haiñ

jin kī bātoñ meñ tajallī thī ḳhamoshī meñ tilism

vahī arbāb-e-hunar soḳhta-jāñ dekhe haiñ

naġhma-o-sher-o-zabāñ ahl-e-siyāsat ke qatīl

puurī tahzīb ke miTne ke nishāñ dekhe haiñ

iqitdār-o-havas-o-shor-o-munāfiq-nazarī

jin kā sheva rahā vo pīr-e-muġhāñ dekhe haiñ

jins-e-arzāñ kī tarah bikte hue ahl-e-qalam

ishtihāroñ meñ saje gul-badnāñ dekhe haiñ

jin se tārīḳh ke safhāt bhī jaag uThte the

vo zamāne vo fasāne guzarāñ dekhe haiñ

vo hikāyāt raqam kiiñ ki qalam ḳhuuñ royā

har rag-e-tāk pe zaḳhmoñ ke vahāñ dekhe haiñ

ek ik harf se raushan hue jaate the ufuq

aa.ine sehr-e-dabistāñ meñ nihāñ dekhe haiñ

jin kī jādū-asarī tāna-e-ahabāb banī

vo tilismāt likhe harf-o-bayāñ dekhe haiñ

jin kī ta.abīr meñ ik umr gañvā dī ham ne

raaz vo sīna-e-gītī meñ nihāñ dekhe haiñ

jalte bām-o-dar-o-dīvār sulagte hue shahr

jin se pathrā ga.iiñ āñkheñ vo samāñ dekhe haiñ

āsmāñ-gīr the sho.ale ḳhas-o-ḳhāshāk the jism

qaid-e-be-jurm meñ sab pīr-o-javāñ dekhe haiñ

dil ne har zarra ke hamrāh dhḌaknā sīkhā

tab navāoñ meñ ye ma.anī ke jahāñ dekhe haiñ

hum ne ek umr mein kya kya na jahan dekhe hain

aasman dekhe hain aur qar-e-nihan dekhe hain

jin ki baaton mein tajalli thi KHamoshi mein tilism

wahi arbab-e-hunar soKHta-jaan dekhe hain

naghma-o-sher-o-zaban ahl-e-siyasat ke qatil

puri tahzib ke miTne ke nishan dekhe hain

iqitdar-o-hawas-o-shor-o-munafiq-nazari

jin ka shewa raha wo pir-e-mughan dekhe hain

jins-e-arzan ki tarah bikte hue ahl-e-qalam

ishtihaaron mein saje gul-badnan dekhe hain

jin se tariKH ke safhat bhi jag uThte the

wo zamane wo fasane guzaran dekhe hain

wo hikayat raqam kin ki qalam KHun roya

har rag-e-tak pe zaKHmon ke wahan dekhe hain

ek ek harf se raushan hue jate the ufuq

aaine sehr-e-dabistan mein nihan dekhe hain

jin ki jadu-asari tana-e-ahabab bani

wo tilismat likhe harf-o-bayan dekhe hain

jin ki tabir mein ek umr ganwa di hum ne

raaz wo sina-e-giti mein nihan dekhe hain

jalte baam-o-dar-o-diwar sulagte hue shahr

jin se pathra gain aankhen wo saman dekhe hain

aasman-gir the shoale KHas-o-KHashak the jism

qaid-e-be-jurm mein sab pir-o-jawan dekhe hain

dil ne har zarra ke hamrah dhDakna sikha

tab nawaon mein ye mani ke jahan dekhe hain