humne jab aap ki aankhon se milain aankhen

ham ne jab aap kī āñkhoñ se milā.īñ āñkheñ

pher ke aap ne muñh ham se churā.īñ āñkheñ

dil ko bechain kiyā shoḳh nigāhoñ ne sanam

aap ne sharm-o-adā se jo jhukā.īñ āñkheñ

zikr āñkhoñ kā musavvir ne jo pūchhā ham se

nargisī surmagīñ sāġhar sī batā.īñ āñkheñ

apne pairāhan-e-rangīñ kī tab-o-tāb dikhā.ī

ek rangīn sharārat se lubhā.īñ āñkheñ

ham ne samjhā thā ki rasta na rahā koī magar

zindagī ko na.e ik moḌ pe lā.īñ āñkheñ

laakh qudrat ke karishmāt dikhe ham ko magar

aap ko dekh ke jaanā hai ki pā.īñ āñkheñ

nau-javānī ke hasīñ ḳhvāb sajāne ke liye

'ishq ko husn ke nazdīk le aa.iiñ āñkheñ

hum ne jab aap ki aankhon se milain aankhen

pher ke aap ne munh hum se churain aankhen

dil ko bechain kiya shoKH nigahon ne sanam

aap ne sharm-o-ada se jo jhukain aankhen

zikr aankhon ka musawwir ne jo puchha hum se

nargisi surmagin saghar si batain aankhen

apne pairahan-e-rangin ki tab-o-tab dikhai

ek rangin shararat se lubhain aankhen

hum ne samjha tha ki rasta na raha koi magar

zindagi ko nae ek moD pe lain aankhen

lakh qudrat ke karishmat dikhe hum ko magar

aap ko dekh ke jaana hai ki pain aankhen

nau-jawani ke hasin KHwab sajaane ke liye

'ishq ko husn ke nazdik le aain aankhen