ham-safar tu mera KHayal na kar
ham-safar tū mirā ḳhayāl na kar
apne raste pe jā malāl na kar
ab maraz raas aa gayā mujh ko
ab tabī'at mirī bahāl na kar
dāstāñ sun to le zarā puurī
biich meñ rok ke savāl na kar
aag jaisī hai 'ishq kī sīrat
ḳhaak ho jā.egā visāl na kar
ik bharam hī banā.e rakh kuchh din
ānā-jānā mirā muhāl na kar
apne ḳhvāboñ ko duur rakh mujh se
merī ḳhalvat meñ iḳhtilāl na kar
'ishq ke ḳhvāb paak hote haiñ
'ishq ke ḳhvāb pā.emāl na kar
ham-safar tu mera KHayal na kar
apne raste pe ja malal na kar
ab maraz ras aa gaya mujh ko
ab tabi'at meri bahaal na kar
dastan sun to le zara puri
bich mein rok ke sawal na kar
aag jaisi hai 'ishq ki sirat
KHak ho jaega visal na kar
ek bharam hi banae rakh kuchh din
aana-jaana mera muhaal na kar
apne KHwabon ko dur rakh mujh se
meri KHalwat mein iKHtilal na kar
'ishq ke KHwab pak hote hain
'ishq ke KHwab paemal na kar
- Book : Raushni Jaari Karo (Pg. 47)
- Author : Manish Shukla
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
