humse mil kar koi guftugu kijiye

ham se mil kar koī guftugū kījiye

puurī dil kī yahī justujū kījiye

aap kī dushmanī kā maiñ huuñ mo'tarif

vaar kiije magar dū-badū kījiye

dāman-e-dil kī lākhoñ huiiñ dhajjiyāñ

kījiye kījiye ab rafū kījiye

phuul mausam meñ kāñToñ ke bevpār se

jism-o-jān-o-jigar mat lahū kījiye

zindagī ho magar dard-e-hijrāñ na ho

aise jiine kī kyā aarzū kījiye

aap kitne hasīñ haiñ nahīñ jānte

aa.ine ko zarā rū-ba-rū kījiye

'farhat'-e-jāñ kī kyuuñ justujū kījiye

bujhte jīvan kī kyā ab numū kījiye

hum se mil kar koi guftugu kijiye

puri dil ki yahi justuju kijiye

aap ki dushmani ka main hun mo'tarif

war kije magar du-badu kijiye

daman-e-dil ki lakhon huin dhajjiyan

kijiye kijiye ab rafu kijiye

phul mausam mein kanTon ke bewpar se

jism-o-jaan-o-jigar mat lahu kijiye

zindagi ho magar dard-e-hijran na ho

aise jine ki kya aarzu kijiye

aap kitne hasin hain nahin jaante

aaine ko zara ru-ba-ru kijiye

'farhat'-e-jaan ki kyun justuju kijiye

bujhte jiwan ki kya ab numu kijiye