humse na puchh jaegi hijr ki rahguzar kahan

ham se na pūchh jā.egī hijr kī rahguzar kahāñ

shaam huī to thī kahīñ sub.h huī magar kahāñ

dāna-o-dām se pare merī uḌaan yaad kar

mujh ko talāsh kar na dekh rakhe haiñ bāl-o-par kahāñ

ishq-e-hisār-e-zāt se duur bahut nikal gayā

aise meñ jabr-e-vaqt bhī hotā hai kārgar kahāñ

valvala-hā-e-shauq sab sarf-e-muhājrat hue

ab sar-e-manzil vafā DhūñD rahe ho ghar kahāñ

chhoḌ ke kārvān-e-shauq manzil-e-ġham pe kar qayām

misl-e-ġhubār-e-kārvāñ phirtā hai dar-ba-dar kahāñ

hum se na puchh jaegi hijr ki rahguzar kahan

sham hui to thi kahin subh hui magar kahan

dana-o-dam se pare meri uDan yaad kar

mujh ko talash kar na dekh rakhe hain baal-o-par kahan

ishq-e-hisar-e-zat se dur bahut nikal gaya

aise mein jabr-e-waqt bhi hota hai kargar kahan

walwala-ha-e-shauq sab sarf-e-muhajrat hue

ab sar-e-manzil wafa DhunD rahe ho ghar kahan

chhoD ke karwan-e-shauq manzil-e-gham pe kar qayam

misl-e-ghubar-e-karwan phirta hai dar-ba-dar kahan