humse rishta jo tishnagi ka hai

ham se rishta jo tishnagī kā hai

saarā ehsān ik nadī kā hai

rang jo ruuh tak mirī utrā

rang vo aap kī hañsī kā hai

mujh ko bhī paanā chāhtā hai vo

haath meñ haath bhī kisī kā hai

vo zamīñ kis liye rahī phir ḳhushk

jis pe ik rāsta nadī kā hai

ham ko hāsil nahīñ huā phir bhī

ham pe haq aaj bhī usī kā hai

hum se rishta jo tishnagi ka hai

sara ehsan ek nadi ka hai

rang jo ruh tak meri utra

rang wo aap ki hansi ka hai

mujh ko bhi pana chahta hai wo

hath mein hath bhi kisi ka hai

wo zamin kis liye rahi phir KHushk

jis pe ek rasta nadi ka hai

hum ko hasil nahin hua phir bhi

hum pe haq aaj bhi usi ka hai