hum shahr ki diwaron mein khinch aae hain yaro

Mahshar Badayuni

hum shahr ki diwaron mein khinch aae hain yaro

Mahshar Badayuni

MORE BY Mahshar Badayuni

    ham shahr dīvāroñ meñ khiñch aa.e haiñ yaaro

    mahsūs kiyā thā ki idhar saa.e haiñ yaaro

    rahne bhī do kyā pūchh ke zaḳhmoñ karoge

    ye zaḳhm agar tum ne nahīñ khaa.e haiñ yaaro

    chheḌo koī baat aisī ki ehsās ko badle

    ham aaj zarā ghar se nikal aa.e haiñ yaaro

    kyā sochte ho taaza lahū dekh ke sar meñ

    ik dost-numā sañg se Takrā.e haiñ yaaro

    aise bhī na chup ho ki pashemān ho jaise

    kuchh tum ne ye sadme nahīñ pahuñchā.e haiñ yaaro

    andāz tumheñ hogā ki baat aisī kuchh hai

    varna kabhī ham aise bhī ghabrā.e haiñ yaaro

    vo qisse jo sun lete the ham az-rah-e-aḳhlāq

    ab apne yahāñ vaqt ne dohrā.e haiñ yaaro

    ab tum ko sunāte haiñ ki ehsās tah se

    ek naġhma bahut Duub ke ham laa.e haiñ yaaro

    jaate haiñ ki guzrā hai ye din jin ḳhizāñ meñ

    āñkhoñ meñ bahār un ke liye laa.e haiñ yaaro

    hum shahr ki diwaron mein khinch aae hain yaro

    mahsus kiya tha ki idhar sae hain yaro

    rahne bhi do kya puchh ke zaKHmon ka karoge

    ye zaKHm agar tum ne nahin khae hain yaro

    chheDo koi baat aisi ki ehsas ko badle

    hum aaj zara ghar se nikal aae hain yaro

    kya sochte ho taza lahu dekh ke sar mein

    ek dost-numa sang se Takrae hain yaro

    aise bhi na chup ho ki pasheman ho jaise

    kuchh tum ne ye sadme nahin pahunchae hain yaro

    andaz tumhein hoga ki baat aisi hi kuchh hai

    warna kabhi hum aise bhi ghabrae hain yaro

    wo qisse jo sun lete the hum az-rah-e-aKHlaq

    ab apne yahan waqt ne dohrae hain yaro

    ab tum ko sunate hain ki ehsas ki tah se

    ek naghma bahut Dub ke hum lae hain yaro

    jate hain ki guzra hai ye din jin ki KHizan mein

    aankhon mein bahaar un ke liye lae hain yaro

    Source:

    • Book : Kulliyat-e-Mahshar Badayuni (Pg. 111)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY