aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hum tere ishq pe maghrur na ho jaen kahin

Raheel Farooq

hum tere ishq pe maghrur na ho jaen kahin

Raheel Farooq

MORE BYRaheel Farooq

    ham tire ishq pe maġhrūr na ho jaa.eñ kahīñ

    is qadar paas na aa duur na ho jaa.eñ kahīñ

    hameñ ā.īna banā le ki ye sāhir āñkheñ

    apne sehr se mas.hūr na ho jaa.eñ kahīñ

    siina tābūt na ban jaa.e kisī bulbul

    ḳhushbueñ baaġh kāfūr na ho jaa.eñ kahīñ

    mat hañsā is qadar ai naubat-e-hālāt hameñ

    jo faqat zaḳhm haiñ nāsūr na ho jaa.eñ kahīñ

    dhaḌkaneñ kyā haiñ bas ik raakh meñ larzish hai

    phir vahī jalve sar-e-tūr na ho jaa.eñ kahīñ

    jugnuoñ ko to biThā letī hai āñkhoñ pe havā

    diye Darte haiñ ki be-nūr na ho jaa.eñ kahīñ

    zarre zarre meñ to vo ḳhud hai makīñ varna ham

    chhup na jaa.eñ kahīñ mafrūr na ho jaa.eñ kahīñ

    āzmā.ish meñ na Daal apne laboñ ko mat bol

    furqateñ bhī hameñ manzūr na ho jaa.eñ kahīñ

    ham to āshiq haiñ hamārā to chalo kaam sahī

    sajde is shahr dastūr na ho jaa.eñ kahīñ

    aap ke ishq meñ ham ho to ga.e aap aap

    aap ke naam se mash.hūr na ho jaa.eñ kahīñ

    ishq ko hazrat-e-'rāhīl' samajhte to haiñ jabr

    qibla-o-ka.aba bhī majbūr na ho jaa.eñ kahīñ

    hum tere ishq pe maghrur na ho jaen kahin

    is qadar pas na aa dur na ho jaen kahin

    hamein aaina bana le ki ye sahir aankhen

    apne hi sehr se mashur na ho jaen kahin

    sina tabut na ban jae kisi bulbul ka

    KHushbuen bagh ki kafur na ho jaen kahin

    mat hansa is qadar ai naubat-e-haalat hamein

    jo faqat zaKHm hain nasur na ho jaen kahin

    dhaDkanen kya hain bas ek rakh mein larzish si hai

    phir wahi jalwe sar-e-tur na ho jaen kahin

    jugnuon ko to biTha leti hai aankhon pe hawa

    diye Darte hain ki be-nur na ho jaen kahin

    zarre zarre mein to wo KHud hai makin warna hum

    chhup na jaen kahin mafrur na ho jaen kahin

    aazmaish mein na Dal apne labon ko mat bol

    furqaten bhi hamein manzur na ho jaen kahin

    hum to aashiq hain hamara to chalo kaam sahi

    sajde is shahr ka dastur na ho jaen kahin

    aap ke ishq mein hum ho to gae aap hi aap

    aap ke nam se mashhur na ho jaen kahin

    ishq ko hazrat-e-'rahil' samajhte to hain jabr

    qibla-o-kaba bhi majbur na ho jaen kahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now