hum teri bazm mein kab lutf uThane aae

ham tirī bazm meñ kab lutf uThāne aa.e

diip ehsās ke palkoñ pe jalāne aa.e

bārhā raat meñ ḳhushbū ke ḳhazāne aa.e

sub.h tak bhī na hameñ naaz uThāne aa.e

chāhte aap nahīñ mujh ko ye mujh ko taslīm

ye dabe paañv jo phir aap sirhāne aa.e

raat ke pichhle pahar chhat pe vo mujh se milne

kabhī garmī kabhī paanī ke bahāne aa.e

jab kabhī gher liyā fikr-e-jahāñ-dārī ne

us ke ḳhat 'ahd-e-vafā yaad dilāne aa.e

raas aayā nahīñ vo shoḳh sahārā mujh ko

apne hisse meñ to bas ḳhvāb suhāne aa.e

maiñ na.ī nasl ko kartā huuñ 'kamāl' aaj salām

kaam jab aa.e to ahbāb purāne aa.e

hum teri bazm mein kab lutf uThane aae

dip ehsas ke palkon pe jalane aae

barha raat mein KHushbu ke KHazane aae

subh tak bhi na hamein naz uThane aae

chahte aap nahin mujh ko ye mujh ko taslim

ye dabe panw jo phir aap sirhane aae

raat ke pichhle pahar chhat pe wo mujh se milne

kabhi garmi kabhi pani ke bahane aae

jab kabhi gher liya fikr-e-jahan-dari ne

us ke KHat 'ahd-e-wafa yaad dilane aae

ras aaya nahin wo shoKH sahaara mujh ko

apne hisse mein to bas KHwab suhane aae

main nai nasl ko karta hun 'kamal' aaj salam

kaam jab aae to ahbab purane aae