hum to jamal-e-shahr mein rah kar sanbhal gae

ham to jamāl-e-shahr meñ rah kar sañbhal ga.e

aur tum ḳhalā-e-'ishq meñ kaise phisal ga.e

pahle vo ḳhushbū dete the dālān-e-qalb meñ

phir 'umr bhar vo hijr kī bhaTTī meñ jal ga.e

raste meñ ham khaḌe rahe milne kī aas meñ

aur vo raqīb-e-shahr se ho kar nikal ga.e

itne bhī saste log haiñ īmān bech kar

pheñke hue jo logoñ ke TukḌoñ pe pal ga.e

itnā bhī zulm Thiik nahīñ be-qusūr par

palkoñ kī zarb se mire aañsū kuchal ga.e

qīmat lagī huī thī mire sar kī sāzishan

achchhā huā ki jang ke imkān Tal ga.e

hum to jamal-e-shahr mein rah kar sanbhal gae

aur tum KHala-e-'ishq mein kaise phisal gae

pahle wo KHushbu dete the dalan-e-qalb mein

phir 'umr bhar wo hijr ki bhaTTi mein jal gae

raste mein hum khaDe rahe milne ki aas mein

aur wo raqib-e-shahr se ho kar nikal gae

itne bhi saste log hain iman bech kar

phenke hue jo logon ke TukDon pe pal gae

itna bhi zulm Thik nahin be-qusur par

palkon ki zarb se mere aansu kuchal gae

qimat lagi hui thi mere sar ki sazishan

achchha hua ki jang ke imkan Tal gae