hum unki anjuman ka saman ban ke rah gae

ham un kī anjuman kā samāñ ban ke rah ga.e

sar-tā-qadam nigāh o zabāñ ban ke rah ga.e

palTe muqaddarāt kuchh is taur se ki ham

tasvīr-e-inqilāb-e-jahāñ ban ke rah ga.e

mazlūm dil kī talḳh-navā.ī to dekhnā

naġhme jo lab tak aa.e fuġhāñ ban ke rah ga.e

ab ham haiñ aur haqīqat-e-ālām hai 'shakīl'

lamhe ḳhushī ke ḳhvāb-e-girāñ ban ke rah ga.e

hum un ki anjuman ka saman ban ke rah gae

sar-ta-qadam nigah o zaban ban ke rah gae

palTe muqaddaraat kuchh is taur se ki hum

taswir-e-inqilab-e-jahan ban ke rah gae

mazlum dil ki talKH-nawai to dekhna

naghme jo lab tak aae fughan ban ke rah gae

ab hum hain aur haqiqat-e-alam hai 'shakil'

lamhe KHushi ke KHwab-e-giran ban ke rah gae