hamare beach ghazab ka mukalima hua tha

hamāre beach ġhazab kā mukālima huā thā

phir us ke baad ye sochā gayā ki kyā huā thā

na sirf talḳh bahut thā vo nīlgūñ bhī thā

mujhe to shak hai samundar meñ kuchh milā huā thā

vo ḳhat jo paḌhne se pahle hī maiñ ne phaaḌ diyā

agarche naam thā mere magar khulā huā thā

mujhe kahānī meñ kirdār kuchh milā aisā

the jis ke haath to āzād muñh bañdhā huā thā

akelī rah ga.ī donoñ hī mar ga.e jin meñ

mire husūl kī ḳhātir muqābla huā thā

zarā qarīb jo aayā use Dubo deñge

samundaroñ kā kisī se muāhida huā thā

chalo vo duur rahegā to bhuul jā.egā

zarā sī der mujhe ye muġhālta huā thā

jab apnī quvvat-e-goyā.ī kho chukī hai 'nishāt'

to koī aur batā de ki us ko kyā huā thā

hamare beach ghazab ka mukalima hua tha

phir us ke baad ye socha gaya ki kya hua tha

na sirf talKH bahut tha wo nilgun bhi tha

mujhe to shak hai samundar mein kuchh mila hua tha

wo KHat jo paDhne se pahle hi main ne phaD diya

agarche nam tha mere magar khula hua tha

mujhe kahani mein kirdar kuchh mila aisa

the jis ke hath to aazad munh bandha hua tha

akeli rah gai donon hi mar gae jin mein

mere husul ki KHatir muqabla hua tha

zara qarib jo aaya use Dubo denge

samundaron ka kisi se muahida hua tha

chalo wo dur rahega to bhul jaega

zara si der mujhe ye mughaalta hua tha

jab apni quwwat-e-goyai kho chuki hai 'nishat'

to koi aur bata de ki us ko kya hua tha