ہمارے بھی ہیں لوگ ایوان میں
مگر پھول کاغذ کے گلدان میں
مقدس مزاروں پہ قوالیاں
نہائی ہوئی عطر و لوبان میں
حویلی کا سورج جھکائے تھا سر
اداسی کی بیلیں تھیں دالان میں
کدھر چلتی پھرتی دکانیں گئیں
نمائش لگائی تھی میدان میں
کوئی فیصلہ اتنی جلدی نہ کر
ذرا دیر کی جان پہچان میں
لہو اتنا سستا ہے انسان کا
لکھا ہے کہاں وید و قرآن میں
نئی زندگی کا یہ چھوٹا سا گھر
ہمکتا ہوا پھول ہے لان میں
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
