hamare hath mein jab koi jam aaya hai
hamāre haath meñ jab koī jaam aayā hai
to lab pe kitne hī pyāsoñ kā naam aayā hai
kahāñ kā nuur yahāñ raat ho ga.ī gahrī
mirā charāġh añdheroñ ke kaam aayā hai
ye kyā ġhazab hai jo kal tak sitam-rasīda the
sitamgaroñ meñ ab un kā bhī naam aayā hai
tamām umr kaTī us kī justujū karte
baḌe dinoñ meñ ye tarz-e-kalām aayā hai
baḌhūñ to raakh banūñ muḌ chalūñ to pathrā jā.ūñ
safar meñ shauq ke nāzuk maqām aayā hai
ḳhabar bhī hai mire gulshan ke laala o gul ko
mirā lahū bhī bahāroñ ke kaam aayā hai
vo sar-phire jo nigah-dāri-e-junūñ meñ rahe
'surūr' un meñ hamārā bhī naam aayā hai
hamare hath mein jab koi jam aaya hai
to lab pe kitne hi pyason ka nam aaya hai
kahan ka nur yahan raat ho gai gahri
mera charagh andheron ke kaam aaya hai
ye kya ghazab hai jo kal tak sitam-rasida the
sitamgaron mein ab un ka bhi nam aaya hai
tamam umr kaTi us ki justuju karte
baDe dinon mein ye tarz-e-kalam aaya hai
baDhun to rakh banun muD chalun to pathra jaun
safar mein shauq ke nazuk maqam aaya hai
KHabar bhi hai mere gulshan ke lala o gul ko
mera lahu bhi bahaaron ke kaam aaya hai
wo sar-phire jo nigah-dari-e-junun mein rahe
'surur' un mein hamara bhi nam aaya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
