ہمارے واسطے بس وہ گھڑی بھر کو ٹھہر جائے

ہمارے واسطے بس وہ گھڑی بھر کو ٹھہر جائے

ہمیں اپنا کہے اک بار پھر چاہے مکر جائے

ہم ایسے لوگ جن کا ساتھ کوئی بھی نہیں دیتا

کہاں جائیں کریں کیا درد جب حد سے گزر جائے

سنبھالے ہیں نہ جانے کب سے آنسو اس نے آنکھوں میں

کوئی پل بھر گلے سے بھی لگا لے تو بکھر جائے

کسی دن زندگی کے بھی سہی معنی سمجھ لو گے

محبت کا نشہ بس آپ کے سر سے اتر جائے

بدلتا جا رہا ہے شوق وہ بھی آج کل اپنے

ہمارے حصہ کی اب کے محبت بھی نہ مر جائے