aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hamare zaKHm ki kya fikr chaara-ju karte

Safdar Mirzapuri

hamare zaKHm ki kya fikr chaara-ju karte

Safdar Mirzapuri

MORE BYSafdar Mirzapuri

    hamāre zaḳhm kyā fikr chāra-jū karte

    tumhīñ ne chaak kiyā hai tumhīñ rafū karte

    chaman meñ aap se vo khul ke guftugū karte

    ye muñh guloñ ki da.avā-e-rañg-o-bū karte

    milā ke aañkh vo ham se jo guftugū karte

    to ham bhī khul ke zarā sharh-e-ārzū karte

    hamāre ā.ina-e-dil se koī bahs na thī

    tum apne madd-e-muqābil se guftugū karte

    ye baat aisī thī ham muñh bhī chūmte jaate

    vo paas baiTh ke yuuñ shikva-e-adū karte

    ḳhayāl-e-ġhair se dil TukḌe TukḌe ho jaatā

    hamāre sāmne dāman agar rafū karte

    ye lafz vo hai muamma kabhī na hal hotā

    tamām umr agar sharh-e-ārzū karte

    talāsh-e-yār meñ mujh se bhī do qadam aage

    nikal ga.e haiñ mire ashk justujū karte

    qayāmat aa.e na kyoñ qabr par subū-bar-dosh

    azal ke mast uThe haiñ subū subū karte

    gire hue the hamārī aañkh se 'safdar'

    in āñsuoñ vo kyā ḳhaak aabrū karte

    hamare zaKHm ki kya fikr chaara-ju karte

    tumhin ne chaak kiya hai tumhin rafu karte

    chaman mein aap se wo khul ke guftugu karte

    ye munh gulon ka ki dawa-e-rang-o-bu karte

    mila ke aankh wo hum se jo guftugu karte

    to hum bhi khul ke zara sharh-e-arzu karte

    hamare aaina-e-dil se koi bahs na thi

    tum apne madd-e-muqabil se guftugu karte

    ye baat aisi thi hum munh bhi chumte jate

    wo pas baiTh ke yun shikwa-e-adu karte

    KHayal-e-ghair se dil TukDe TukDe ho jata

    hamare samne daman agar rafu karte

    ye lafz wo hai muamma kabhi na hal hota

    tamam umr agar sharh-e-arzu karte

    talash-e-yar mein mujh se bhi do qadam aage

    nikal gae hain mere ashk justuju karte

    qayamat aae na kyon qabr par subu-bar-dosh

    azal ke mast uThe hain subu subu karte

    gire hue the hamari hi aankh se 'safdar'

    in aansuon ki wo kya KHak aabru karte

    Source:

    Deewan-e-Safdar Mirzapuri (Pg. 163)

    • Author: Safdar Mirzapuri
      • Publisher: Azhar Lakhnawi
      • Year of Publication: 1984
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now