hamein guman ki abhi wo charagh jalta hai

hameñ gumāñ ki abhī vo charāġh jaltā hai

nasīb ho to havāoñ kā ruḳh badaltā hai

hameñ gumāñ ki sulagtī huī shaboñ meñ abhī

hamārā ḳhvāb kisī aañkh meñ pighaltā hai

hameñ gumāñ ki abhī os ke kināre par

kahīñ pe niiñd meñ jhoñkā havā kā chaltā hai

hameñ gumāñ ki jazīre se aa rahī hai sadā

ik āftāb abhī jhāḌiyoñ meñ Dhaltā hai

hameñ gumāñ ki tire paañv par phisalte hue

is ābshār kā paanī abhī uchhaltā hai

hameñ gumāñ ki tirī yaad ke daraḳhtoñ se

abhī firāq-rutoñ kā dhuāñ nikaltā hai

hameñ gumāñ ki koī 'ishq ke maraz meñ abhī

chhupā chhupā ke sirhāne pe ḳhuun ugaltā hai

hameñ gumāñ ki abhī chāñdnī kā sāzinda

kisī ke paañv kī aahaT pe sar badaltā hai

hameñ gumāñ ki 'shafaq' pattharoñ kī kaa.ī par

kisī kā barf sā paañv abhī phisaltā hai

hamein guman ki abhi wo charagh jalta hai

nasib ho to hawaon ka ruKH badalta hai

hamein guman ki sulagti hui shabon mein abhi

hamara KHwab kisi aankh mein pighalta hai

hamein guman ki abhi os ke kinare par

kahin pe nind mein jhonka hawa ka chalta hai

hamein guman ki jazire se aa rahi hai sada

ek aaftab abhi jhaDiyon mein Dhalta hai

hamein guman ki tere panw par phisalte hue

is aabshaar ka pani abhi uchhalta hai

hamein guman ki teri yaad ke daraKHton se

abhi firaq-ruton ka dhuan nikalta hai

hamein guman ki koi 'ishq ke maraz mein abhi

chhupa chhupa ke sirhane pe KHun ugalta hai

hamein guman ki abhi chandni ka sazinda

kisi ke panw ki aahaT pe sar badalta hai

hamein guman ki 'shafaq' pattharon ki kai par

kisi ka barf sa panw abhi phisalta hai