hangame se wahshat hoti hai tanhai mein ji ghabrae hai

hañgāme se vahshat hotī hai tanhā.ī meñ jī ghabrā.e hai

kyā jāniye kyā kuchh hotā hai jab yaad kisī kī aa.e hai

jin kūchoñ meñ sukh-chain gayā jin galiyoñ meñ badnām hue

dīvāna dil un galiyoñ meñ rah rah kar Thokar khaa.e hai

sāvan kī añdherī rātoñ meñ kis shoḳh kī yādoñ kā āñchal

bijlī kī tarah lahrā.e hai bādal kī tarah uḌ jaa.e hai

yādoñ ke darpan TuuT ga.e nazroñ meñ koī sūrat hī nahīñ

lekin be-chehra maazī saaya saaya lahrā.e hai

kuchh duniyā bhī bezār hai ab ham jaise vahshat vāloñ se

kuchh apnā dil bhī duniyā kī is mahfil meñ ghabrā.e hai

kaliyoñ kī qabā.eñ chaak huiiñ phūloñ ke chehre zaḳhmī haiñ

ab ke ye bahāroñ kā mausam kyā rañg nayā dikhlā.e hai

dīvār na dar sunsān khañDar aisā ujḌā ye dil kā nagar

tanhā.ī ke vīrāne meñ āvāz bhī Thokar khaa.e hai

ye merā koī dam-sāz na ho 'rif.at' ye koī hamrāz na ho

jo mere giit mirī ġhazleñ merī hī dhun meñ gaa.e hai

hangame se wahshat hoti hai tanhai mein ji ghabrae hai

kya jaaniye kya kuchh hota hai jab yaad kisi ki aae hai

jin kuchon mein sukh-chain gaya jin galiyon mein badnam hue

diwana dil un galiyon mein rah rah kar Thokar khae hai

sawan ki andheri raaton mein kis shoKH ki yaadon ka aanchal

bijli ki tarah lahrae hai baadal ki tarah uD jae hai

yaadon ke darpan TuT gae nazron mein koi surat hi nahin

lekin be-chehra mazi saya saya lahrae hai

kuchh duniya bhi bezar hai ab hum jaise wahshat walon se

kuchh apna dil bhi duniya ki is mahfil mein ghabrae hai

kaliyon ki qabaen chaak huin phulon ke chehre zaKHmi hain

ab ke ye bahaaron ka mausam kya rang naya dikhlae hai

diwar na dar sunsan khanDar aisa ujDa ye dil ka nagar

tanhai ke virane mein aawaz bhi Thokar khae hai

ye mera koi dam-saz na ho 'rifat' ye koi hamraaz na ho

jo mere git meri ghazlen meri hi dhun mein gae hai