haq baat hi kahenge sar-e-dar dekhna

haq baat hī kaheñge sar-e-dār dekhnā

ahl-e-qalam kī jur.at-e-iz.hār dekhnā

dekheñ jinheñ haiñ dair ke dīvār-o-dar aziiz

ham ko to sirf sū-e-dar-e-yār dekhnā

kartā rahā qalam yūñhī shāḳheñ jo bāġhbāñ

nāpaid hogā sāya-e-ashjār dekhnā

sarkār aap par jo chhiḌakte haiñ jaan aaj

bach kar chaleñge kal ye namak-ḳhvār dekhnā

buniyād jis kī hai havas-e-iqtidār par

hone ko hai vo qil.a bhī mismār dekhnā

Daalā jo tum ne haath kulāh-e-avām par

lag jā.eñge saroñ ke bhī ambār dekhnā

haq baat hi kahenge sar-e-dar dekhna

ahl-e-qalam ki jurat-e-izhaar dekhna

dekhen jinhen hain dair ke diwar-o-dar aziz

hum ko to sirf su-e-dar-e-yar dekhna

karta raha qalam yunhi shaKHen jo baghban

napaid hoga saya-e-ashjar dekhna

sarkar aap par jo chhiDakte hain jaan aaj

bach kar chalenge kal ye namak-KHwar dekhna

buniyaad jis ki hai hawas-e-iqtidar par

hone ko hai wo qila bhi mismar dekhna

Dala jo tum ne hath kulah-e-awam par

lag jaenge saron ke bhi ambar dekhna