حقیقتوں سے نظر کس لیے چراتا ہے

حقیقتوں سے نظر کس لیے چراتا ہے

اگر یہ سچ ہے کہ تو آئنہ بناتا ہے

سمندروں کی تہوں کو کھنگالنے والا

کبھی کبھی لب دریا ہی ڈوب جاتا ہے

پرند دل کا اب آزادیوں کی حسرت میں

قفس کی تیلیاں آہوں سے بھی جلاتا ہے

جسے بھی راستہ منزل کا میں دکھاتی ہوں

نہ جانے کیوں وہ مرے نقش پا مٹاتا ہے

جنوں کے سائے میں عمریں گزارنے والا

رہ حیات میں کچھ نقش چھوڑ جاتا ہے

وہ آندھیوں سے بھلا کیا لڑے گا اے ریشمؔ

جو شخص باد صبا سے بھی خوف کھاتا ہے