haqiqaton se ulajhta raha fasana mera

Shahid Mahuli

haqiqaton se ulajhta raha fasana mera

Shahid Mahuli

MORE BYShahid Mahuli

    haqīqatoñ se ulajhtā rahā fasāna mirā

    guzar gayā hai mujhe rauñd ke zamāna mirā

    samundaroñ meñ kabhī tishnagī ke sahrā meñ

    kahāñ kahāñ na phirā le ke āb-o-dāna mirā

    tamām shahr se laḌtā rahā mirī ḳhātir

    magar usī ne kabhī hāl-e-dil sunā na mirā

    jo kuchh diyā bhī to mahrūmiyoñ zahr diyā

    vo saañp ban ke chhupā.e rahā ḳhazāna mirā

    vo aur log the jo maañg le ga.e sab kuchh

    yahāñ to sharam thī dast-e-talab uThā na mirā

    mujhe tabāh kiyā iltifāt ne us ke

    use bhī aa na sakā raas dostāna mirā

    kise qubūl kareñ aur kis ko Thukrā.eñ

    inheñ savāloñ meñ uljhā hai tānā-bānā mirā

    haqiqaton se ulajhta raha fasana mera

    guzar gaya hai mujhe raund ke zamana mera

    samundaron mein kabhi tishnagi ke sahra mein

    kahan kahan na phira le ke aab-o-dana mera

    tamam shahr se laDta raha meri KHatir

    magar usi ne kabhi haal-e-dil suna na mera

    jo kuchh diya bhi to mahrumiyon ka zahr diya

    wo sanp ban ke chhupae raha KHazana mera

    wo aur log the jo mang le gae sab kuchh

    yahan to sharam thi dast-e-talab uTha na mera

    mujhe tabah kiya iltifat ne us ke

    use bhi aa na saka ras dostana mera

    kise qubul karen aur kis ko Thukraen

    inhen sawalon mein uljha hai tana-bana mera

    Source:

    • Book : Kahein Kuch Nahein Hota (Pg. 104)
    • Author : Shahid Mahuli
    • Publication : Miaar Publications (2003)
    • Edition : 2003
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY