har aan ek naya imtihan sar par hai

har aan ek nayā imtihān sar par hai

zamīn zer-e-qadam āsmān sar par hai

duhā.ī detī haiñ kaisī harī-bharī fasleñ

kisī ġhanīm kī sūrat lagān sar par hai

maiñ ḳhāndān ke sar par huuñ bādaloñ kī misāl

so bijliyoñ kī tarah ḳhāndān sar par hai

qadam jamā.ūñ to dhañste haiñ reg-e-surḳh meñ pā.ūñ

jo sar uThā.ūñ to niilī chaTān sar par hai

maiñ jāntā huuñ Tlegā ye jaan hī le kar

rah-e-farār nahīñ mehmān sar par hai

ik aur vasl-e-suḳhan aur ik visāl-e-nigāh

mufārqat kī ghaḌī merī jaan! sar par hai

har aan ek naya imtihan sar par hai

zamin zer-e-qadam aasman sar par hai

duhai deti hain kaisi hari-bhari faslen

kisi ghanim ki surat lagan sar par hai

main KHandan ke sar par hun baadalon ki misal

so bijliyon ki tarah KHandan sar par hai

qadam jamaun to dhanste hain reg-e-surKH mein paun

jo sar uThaun to nili chaTan sar par hai

main jaanta hun Tlega ye jaan hi le kar

rah-e-farar nahin mehman sar par hai

ek aur wasl-e-suKHan aur ek visal-e-nigah

mufarqat ki ghaDi meri jaan! sar par hai