har bar ubharta hun to kya dekhta hun main

har baar ubhartā huuñ to kyā dekhtā huuñ maiñ

kuchh aur ḳhayālāt meñ gahrā.ī huī hai

kahne ko sahī saath hai mere vo abhī tak

hujre meñ abhī tak to bahār aa.ī huī hai

maiñ kitne ġhazāloñ kā karūñ pīchhā abhī aur

kah pā.ūñ tire hijr kī bharpā.ī huī hai

jo 'ahd tumhārā hai ki ham baaz na aa.eñ

ham ne bhī tamāshe kī qasam khaa.ī huī hai

taiñtīs baras kis ke kaho saath guzāre

jo haal hī meñ ḳhud se shanāsā.ī huī hai

'tarkash' vo koī aur hai kartā hai suḳhan jo

tujh se to faqat qāfiya-paimā.ī huī hai

har bar ubharta hun to kya dekhta hun main

kuchh aur KHayalat mein gahrai hui hai

kahne ko sahi sath hai mere wo abhi tak

hujre mein abhi tak to bahaar aai hui hai

main kitne ghazalon ka karun pichha abhi aur

kah paun tere hijr ki bharpai hui hai

jo 'ahd tumhaara hai ki hum baz na aaen

hum ne bhi tamashe ki qasam khai hui hai

taintis baras kis ke kaho sath guzare

jo haal hi mein KHud se shanasai hui hai

'tarkash' wo koi aur hai karta hai suKHan jo

tujh se to faqat qafiya-paimai hui hai