har baat jo ghalat thi purane nisab mein

har baat jo ġhalat thī purāne nisāb meñ

chun chun ke us ko rakkhā gayā hai kitāb meñ

jo rū-barū kahā na gayā iztirāb meñ

kah dūñgā aap yaad kareñge jo ḳhvāb meñ

hosh-o-havās hī to haiñ jauhar hayāt kā

aatā hai hosh zehn jo Duube sharāb meñ

maazī ke vāqi'āt nazar aa.e sāmne

ā.īna mere haath meñ thā maiñ thā ḳhvāb meñ

chāho to mere jaam meñ is ko nichoḌ do

dāman tumhārā bhiig gayā hai sharāb meñ

jo kal haqīqateñ thiiñ hikāyāt ban ga.iiñ

hote raheñge roz izāfe kitāb meñ

ye zehn hai ki kārgah-e-ā.ina-garāñ

ye saarī kā.enāt hai ik lamha ḳhvāb meñ

paanī kī tarh ahl-e-havas ne sharāb pī

likkhī ga.ī hai tishna-laboñ ke hisāb meñ

vo raat bhī thī kitnī hasīñ raat ai 'kamāl'

vo raat jo kaTī hai savāl-o-javāb meñ

har baat jo ghalat thi purane nisab mein

chun chun ke us ko rakkha gaya hai kitab mein

jo ru-baru kaha na gaya iztirab mein

kah dunga aap yaad karenge jo KHwab mein

hosh-o-hawas hi to hain jauhar hayat ka

aata hai hosh zehn jo Dube sharab mein

mazi ke waqi'at nazar aae samne

aaina mere hath mein tha main tha KHwab mein

chaho to mere jam mein is ko nichoD do

daman tumhaara bhig gaya hai sharab mein

jo kal haqiqaten thin hikayat ban gain

hote rahenge roz izafe kitab mein

ye zehn hai ki kargah-e-aina-garan

ye sari kaenat hai ek lamha KHwab mein

pani ki tarh ahl-e-hawas ne sharab pi

likkhi gai hai tishna-labon ke hisab mein

wo raat bhi thi kitni hasin raat ai 'kamal'

wo raat jo kaTi hai sawal-o-jawab mein