har-chand gam gam hawadis safar mein hain

Iqbal Azeem

har-chand gam gam hawadis safar mein hain

Iqbal Azeem

MORE BYIqbal Azeem

    har-chand gaam gaam havādis safar meñ haiñ

    vo ḳhush-nasīb haiñ jo tirī rahguzar meñ haiñ

    tākīd-e-zabt ahd-e-vafā izn-e-zindagī

    kitne payām ik nigah-e-muḳhtasar meñ haiñ

    maazī sharīk-e-hāl hai koshish ke bāvajūd

    dhuñdle se kuchh nuqūsh abhī tak nazar meñ haiñ

    lillāh is ḳhulūs se pursish na kījiye

    tūfān kab se band mirī chashm-e-tar meñ haiñ

    manzil to ḳhush-nasīboñ meñ taqsīm ho chukī

    kuchh ḳhush-ḳhayāl log abhī tak safar meñ haiñ

    mahfil meñ un samt nigāheñ na uTh sakīñ

    ham bil-ḳhusūs ahl-e-nazar nazar meñ haiñ

    ye kaise rāh-rau the ki har naqsh-e-pā ke saath

    sajdoñ ke kuchh nishān bhī is rahguzar meñ haiñ

    har-chand gam gam hawadis safar mein hain

    wo KHush-nasib hain jo teri rahguzar mein hain

    takid-e-zabt ahd-e-wafa izn-e-zindagi

    kitne payam ek nigah-e-muKHtasar mein hain

    mazi sharik-e-haal hai koshish ke bawajud

    dhundle se kuchh nuqush abhi tak nazar mein hain

    lillah is KHulus se pursish na kijiye

    tufan kab se band meri chashm-e-tar mein hain

    manzil to KHush-nasibon mein taqsim ho chuki

    kuchh KHush-KHayal log abhi tak safar mein hain

    mahfil mein un ki samt nigahen na uTh sakin

    hum bil-KHusus ahl-e-nazar ki nazar mein hain

    ye kaise rah-rau the ki har naqsh-e-pa ke sath

    sajdon ke kuchh nishan bhi is rahguzar mein hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY