har chand ki chhaon bhi zaruri hai safar mein
har chand ki chhāoñ bhī zarūrī hai safar meñ
kyā apnā bhī saaya hai musāfir kī nazar meñ
kuchh naqsh adhūre se bhī taḳhlīq haiñ terī
larzish bhī kahīñ par hai tire dast-e-hunar meñ
us paikar-e-ḳhākī se mujhe ḳhaak thī nisbat
basnā thā mirī ruuh ne ujḌe hue ghar meñ
be-ant masāfat mirī qismat meñ likhī hai
maiñ raḳht-e-safar khol ke niklā huuñ safar meñ
go dasht pe 'ġhālib' ko gumāñ ghar kā huā thā
kuchh aur sī vīrānī hai lekin mire ghar meñ
har chand ki chhaon bhi zaruri hai safar mein
kya apna bhi saya hai musafir ki nazar mein
kuchh naqsh adhure se bhi taKHliq hain teri
larzish bhi kahin par hai tere dast-e-hunar mein
us paikar-e-KHaki se mujhe KHak thi nisbat
basna tha meri ruh ne ujDe hue ghar mein
be-ant masafat meri qismat mein likhi hai
main raKHt-e-safar khol ke nikla hun safar mein
go dasht pe 'ghaalib' ko guman ghar ka hua tha
kuchh aur si virani hai lekin mere ghar mein
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
