har falak-bos imarat hai ana ki taswir

har falak-bos imārat hai anā kī tasvīr

aur maiñ TuuT ke girtī huī dīvār meñ huuñ

tum ko tanhā.ī kā ehsās huā kyuuñ āḳhir

maiñ to muddat se tumhāre dar-o-dīvār meñ huuñ

shahr ke shahr pe hai niiñd kā afsūñ taarī

maiñ huuñ ḳhush-baḳht ki ik dīda-e-bedār meñ huuñ

na samundar na ghaTāoñ kī rahīn-e-minnat

bhīgtī apne hī jazbāt kī bauchhār meñ huuñ

zehn aur jism to haiñ kār-e-ziyāñ meñ masrūf

ruuh ke saath maiñ ik hasrat-e-dīdār meñ huuñ

us kī āvāra nigāhī kā gilā kyā 'shahlā'

maiñ to ḳhud apne hī iqrār meñ inkār meñ huuñ

har falak-bos imarat hai ana ki taswir

aur main TuT ke girti hui diwar mein hun

tum ko tanhai ka ehsas hua kyun aaKHir

main to muddat se tumhaare dar-o-diwar mein hun

shahr ke shahr pe hai nind ka afsun tari

main hun KHush-baKHt ki ek dida-e-bedar mein hun

na samundar na ghaTaon ki rahin-e-minnat

bhigti apne hi jazbaat ki bauchhaar mein hun

zehn aur jism to hain kar-e-ziyan mein masruf

ruh ke sath main ek hasrat-e-didar mein hun

us ki aawara nigahi ka gila kya 'shahla'

main to KHud apne hi iqrar mein inkar mein hun