har ghaDi sang-e-malamat KHud pe mat phenka karo

har ghaḌī sang-e-malāmat ḳhud pe mat pheñkā karo

be-hisī baḌh jā.egī ḳhud se na yuuñ uljhā karo

talḳhiyoñ kī raakh meñ lazzat kī chingārī bhī hai

ye haqīqat hai ise tum laakh jhuThlāyā karo

kyā haqīqat hai tumhārī ḳhud 'ayāñ ho jā.egī

ek nāqid kī tarah ḳhud ko kabhī parkhā karo

chāñd meñ dhabba hai lekin chāñdnī be-dāġh hai

vasf kī mīzān meñ har jins ko tolā karo

tum bhī puuje jāoge 'shādāb' sūraj kī tarah

shaḳhsiyat kī raushnī har samt phailāyā karo

har ghaDi sang-e-malamat KHud pe mat phenka karo

be-hisi baDh jaegi KHud se na yun uljha karo

talKHiyon ki rakh mein lazzat ki chingari bhi hai

ye haqiqat hai ise tum lakh jhuThlaya karo

kya haqiqat hai tumhaari KHud 'ayan ho jaegi

ek naqid ki tarah KHud ko kabhi parkha karo

chand mein dhabba hai lekin chandni be-dagh hai

wasf ki mizan mein har jins ko tola karo

tum bhi puje jaoge 'shadab' suraj ki tarah

shaKHsiyat ki raushni har samt phailaya karo