har gumbad-e-be-dar mein bhi ek dar hai ki tu hai

har gumbad-e-be-dar meñ bhī ik dar hai ki tū hai

phir mujh meñ koī aur navā-gar hai ki tū hai

ik aur hī aalam hai varā-e-ḳhas-o-ḳhāshāk

ik aur hī manzar pas-e-manzar hai ki tū hai

tā-hadd-e-nazar ek nadī hai ki huuñ maiñ bhī

tā-hadd-e-ḳhayāl ek samundar hai ki tū hai

paivast haiñ miTTī meñ mire paañv ki maiñ huuñ

aflāk ke siine pe mirā sar hai ki tū hai

vahshat ise kahiye na tahayyur ise kahiye

maiñ bhuul chalā thā mujhe azbar hai ki tū hai

dekhūñ to tirā honā sahārā bhī hai mujh ko

sochoñ to mujhe ek yahī Dar hai ki tū hai

har gumbad-e-be-dar mein bhi ek dar hai ki tu hai

phir mujh mein koi aur nawa-gar hai ki tu hai

ek aur hi aalam hai wara-e-KHas-o-KHashak

ek aur hi manzar pas-e-manzar hai ki tu hai

ta-hadd-e-nazar ek nadi hai ki hun main bhi

ta-hadd-e-KHayal ek samundar hai ki tu hai

paiwast hain miTTi mein mere panw ki main hun

aflak ke sine pe mera sar hai ki tu hai

wahshat ise kahiye na tahayyur ise kahiye

main bhul chala tha mujhe azbar hai ki tu hai

dekhun to tera hona sahaara bhi hai mujh ko

sochon to mujhe ek yahi Dar hai ki tu hai