har haal mein wo sath hamare hi khaDa hai

har haal meñ vo saath hamāre hī khaḌā hai

ham jaise ġharīboñ kā bhī duniyā meñ ḳhudā hai

hālāñki tū haqdār nahīñ is kā sitamgar

jā phir bhī tire vāste is dil se du'ā hai

ab saarā zamāna hī muḳhālif hai hamāre

ham ne jo mohabbat se tirā naam liyā hai

kuchh din to tirā ġham bhī rahā hai mire dil meñ

do chaar qadam vo bhī mire saath chalā hai

sāñsoñ meñ tire pyaar kī ḳhushbū hai mirī jaan

is dil ke darīchoñ pe tirā naam likhā hai

ab ḳhaak meñ lipTā hai mire ḳhvāb kī mānind

kuchh din to havāoñ meñ mirā 'ishq uḌā hai

ye baat alag hai ki mujhe bhuul gayā vo

vo shaḳhs kisī vaqt mire saath rahā hai

'tamsīla' maiñ ḳhvāb apne yahāñ bechne aa.ī

kyā shahr-e-sitamgar meñ koī shaḳhs nayā hai

har haal mein wo sath hamare hi khaDa hai

hum jaise gharibon ka bhi duniya mein KHuda hai

haalanki tu haqdar nahin is ka sitamgar

ja phir bhi tere waste is dil se du'a hai

ab sara zamana hi muKHalif hai hamare

hum ne jo mohabbat se tera nam liya hai

kuchh din to tera gham bhi raha hai mere dil mein

do chaar qadam wo bhi mere sath chala hai

sanson mein tere pyar ki KHushbu hai meri jaan

is dil ke darichon pe tera nam likha hai

ab KHak mein lipTa hai mere KHwab ki manind

kuchh din to hawaon mein mera 'ishq uDa hai

ye baat alag hai ki mujhe bhul gaya wo

wo shaKHs kisi waqt mere sath raha hai

'tamsila' main KHwab apne yahan bechne aai

kya shahr-e-sitamgar mein koi shaKHs naya hai