har ek shikast ko ai kash is tarah main sahun

har ik shikast ko ai kaash is tarah maiñ sahūñ

fuzūñ ho aur bhī dil meñ tirī talab kā fusūñ

tumhāre jism kī jannat to mil ga.ī hai magar

maiñ apnī ruuh kī dozaḳh kā kyā ilaaj karūñ

hañsā huuñ aaj to majbūr thā ki tere huzūr

mujhe ye Dar thā agar chup rahā to ro na paḌūñ

tamām umr na bhaTke kahīñ tū merī tarah

huuñ kashmakash meñ jo kahnā hai vo kahūñ na kahūñ

na ab pukār mujhe muddatoñ kī duurī se

tire qarīb nahīñ huuñ ki terī baat sunūñ

tirī talāsh ko niklūñgā is se pahle magar

maiñ terī yaad ke sahrā meñ ḳhud ko DhūñD to luuñ

vo dekh le to na ro.e binā rahe 'āzād'

maiñ sochtā huuñ ki ik baar ḳhud pe yuuñ bhī hañsūñ

har ek shikast ko ai kash is tarah main sahun

fuzun ho aur bhi dil mein teri talab ka fusun

tumhaare jism ki jannat to mil gai hai magar

main apni ruh ki dozaKH ka kya ilaj karun

hansa hun aaj to majbur tha ki tere huzur

mujhe ye Dar tha agar chup raha to ro na paDun

tamam umr na bhaTke kahin tu meri tarah

hun kashmakash mein jo kahna hai wo kahun na kahun

na ab pukar mujhe muddaton ki duri se

tere qarib nahin hun ki teri baat sunun

teri talash ko niklunga is se pahle magar

main teri yaad ke sahra mein KHud ko DhunD to lun

wo dekh le to na roe bina rahe 'azad'

main sochta hun ki ek bar KHud pe yun bhi hansun