har KHwab samundar bhi hai sahra bhi hai ghar bhi

har ḳhvāb samundar bhī hai sahrā bhī hai ghar bhī

har lamha-e-tā'bīr se hai pyaar bhī Dar bhī

donoñ kā gila ek hī hai shām-o-sahar se

vīrān samā'at bhī hai aur rāhguzar bhī

maiñ apne ziyāñ kā tujhe kyā haal sunā.ūñ

raste hī meñ chhoḌ aaya huuñ sāmān-e-safar bhī

kunjī se ḳhazāne kī kisī roz ye pūchho

biktā hai kahīñ shahr meñ kuchh zauq-e-nazar bhī

vo thā to hunar-mand bhī the ḳhush bhī the 'imrān'

ab us ko bulāne kā nahīñ ham pe hunar bhī

har KHwab samundar bhi hai sahra bhi hai ghar bhi

har lamha-e-ta'bir se hai pyar bhi Dar bhi

donon ka gila ek hi hai sham-o-sahar se

viran sama'at bhi hai aur rahguzar bhi

main apne ziyan ka tujhe kya haal sunaun

raste hi mein chhoD aaya hun saman-e-safar bhi

kunji se KHazane ki kisi roz ye puchho

bikta hai kahin shahr mein kuchh zauq-e-nazar bhi

wo tha to hunar-mand bhi the KHush bhi the 'imran'

ab us ko bulane ka nahin hum pe hunar bhi