har moD nai ek uljhan hai qadmon ka sambhalna mushkil hai
![Iqbal Safi Puri Iqbal Safi Puri](https://rekhta.pc.cdn.bitgravity.com/Images/Shayar/round/iqbal-safi-puri.png)
har moD nai ek uljhan hai qadmon ka sambhalna mushkil hai
Iqbal Safi Puri
MORE BYIqbal Safi Puri
har moḌ na.ī ik uljhan hai qadmoñ kā sambhalnā mushkil hai
vo saath na deñ phir dhuup to kyā saa.e meñ bhī chalnā mushkil hai
yārān-e-safar haiñ tez-qadam ai kashmakash-e-dil kyā hogā
ruktā huuñ to bichhḌā jaatā huuñ chaltā huuñ to chalnā mushkil hai
ab ham pe khulā ye raaz chaman uljhā ke bahāroñ meñ dāman
kāñToñ se nikalnā āsāñ thā phūloñ se nikalnā mushkil hai
tābānī-e-husn-e-ālam hai garmi-e-mohabbat ke dam se
parvāne agar mahfil meñ na hoñ phir sham.a kā jalnā mushkil hai
nākāmi-e-qismat kyā shai hai kyā chiiz shikasta-pā.ī hai
do-gām pe manzil hai lekin do-gām bhī chalnā mushkil hai
yā ham se pareshāñ ḳhushbū thī yā band haiñ ab kaliyoñ kī tarah
yā misl-e-sabā āvāra the yā ghar se nikalnā mushkil hai
likhte rahe ḳhūn-e-dil se jise tā.īd-e-nigāh-e-dost meñ ham
'iqbāl' ab us afsāne kā unvān badalnā mushkil hai
har moD nai ek uljhan hai qadmon ka sambhalna mushkil hai
wo sath na den phir dhup to kya sae mein bhi chalna mushkil hai
yaran-e-safar hain tez-qadam ai kashmakash-e-dil kya hoga
rukta hun to bichhDa jata hun chalta hun to chalna mushkil hai
ab hum pe khula ye raaz chaman uljha ke bahaaron mein daman
kanTon se nikalna aasan tha phulon se nikalna mushkil hai
tabani-e-husn-e-alam hai garmi-e-mohabbat ke dam se
parwane agar mahfil mein na hon phir shama ka jalna mushkil hai
nakaami-e-qismat kya shai hai kya chiz shikasta-pai hai
do-gam pe manzil hai lekin do-gam bhi chalna mushkil hai
ya hum se pareshan KHushbu thi ya band hain ab kaliyon ki tarah
ya misl-e-saba aawara the ya ghar se nikalna mushkil hai
likhte rahe KHun-e-dil se jise taid-e-nigah-e-dost mein hum
'iqbaal' ab us afsane ka unwan badalna mushkil hai
- Book : Ghazal Calendar-2015 (Pg. 20.02.2015)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.