har mushkil aasan banane wala tha

har mushkil āsān banāne vaalā thā

maiñ patthar ke paan banāne vaalā thā

ḳhvāboñ kī tāvīl samajh se bāhar thī

jab maiñ pākistān banāne vaalā thā

haq baahū haq baahū kah kar ek faqīr

baahū ko sultān banāne vaalā thā

mujh aisā bahlol kahāñ se lāoge

naar se jo nārān banāne vaalā thā

shahzādī ne jis kī ḳhātir zahr piyā

ik dehātī naan banāne vaalā thā

aap ne merā haath na thāmā hotā to

maiñ ḳhud ko shaitān banāne vaalā thā

darvāzoñ kī saakh bachāne kī ḳhātir

dīvāroñ ke kaan banāne vaalā thā

aap kī ik ik baat ġhazal meñ Dhaal ke maiñ

aan kī aan meñ taan banāne vaalā thā

har mushkil aasan banane wala tha

main patthar ke pan banane wala tha

KHwabon ki tawil samajh se bahar thi

jab main pakistan banane wala tha

haq bahu haq bahu kah kar ek faqir

bahu ko sultan banane wala tha

mujh aisa bahlol kahan se laoge

nar se jo naran banane wala tha

shahzadi ne jis ki KHatir zahr piya

ek dehati nan banane wala tha

aap ne mera hath na thama hota to

main KHud ko shaitan banane wala tha

darwazon ki sakh bachane ki KHatir

diwaron ke kan banane wala tha

aap ki ek ek baat ghazal mein Dhaal ke main

aan ki aan mein tan banane wala tha