har qadam ehtiyat se rakhna

har qadam ehtiyāt se rakhnā

tum yūñhī mujh se fāsle rakhnā

tabsira mujh pe karte vaqt koī

mere hālāt sāmne rakhnā

ghar se nikle to ho havāoñ par

apnī nazroñ meñ rāste rakhnā

jaane kab vaqt kis ko Thukrā de

tum kitāboñ meñ hāshiye rakhnā

be-samar haiñ jo sāya-dār daraḳht

saa.e un ke sañbhāl ke rakhnā

apnī pahchān kho chuke vo bhī

jin kī fitrat thī aa.ine rakhnā

aaj har shahr shahr-e-fitna hai

ghar ke darvāze mat khule rakhnā

ye buzurgoñ kī vaz'-dārī thī

ghar kī dahlīz par diye rakhnā

jab 'munavvar' ġhazal sañvāro tum

lafz chun chun ke kuchh na.e rakhnā

har qadam ehtiyat se rakhna

tum yunhi mujh se fasle rakhna

tabsira mujh pe karte waqt koi

mere haalat samne rakhna

ghar se nikle to ho hawaon par

apni nazron mein raste rakhna

jaane kab waqt kis ko Thukra de

tum kitabon mein hashiye rakhna

be-samar hain jo saya-dar daraKHt

sae un ke sanbhaal ke rakhna

apni pahchan kho chuke wo bhi

jin ki fitrat thi aaine rakhna

aaj har shahr shahr-e-fitna hai

ghar ke darwaze mat khule rakhna

ye buzurgon ki waz'-dari thi

ghar ki dahliz par diye rakhna

jab 'munawwar' ghazal sanwaro tum

lafz chun chun ke kuchh nae rakhna