har qadam waqt ki Thokar ke alawa kya hai
har qadam vaqt kī Thokar ke 'alāva kyā hai
zindagī ḳhvāboñ ke manzar ke 'alāva kyā hai
mujh se zaḳhmoñ kā mudāvā bhī karānā hai magar
haisiyat merī rafū-gar ke 'alāva kyā hai
tāj-o-dastār mubārak ho tumhāre sar ko
mere sar ke liye patthar ke 'alāva kyā hai
tum to is shahr ko kahte the mohabbat kā nagar
ab khañDar ho chuke manzar ke 'alāva kyā hai
ab talak ristā hai ye ḳhuun mire kānoñ se
aap kī guftugū nashtar ke 'alāva kyā hai
jaan letā nahīñ jiine bhī nahīñ detā mujhe
'ishq TuuTe hue ḳhanjar ke 'alāva kyā hai
har qadam waqt ki Thokar ke 'alawa kya hai
zindagi KHwabon ke manzar ke 'alawa kya hai
mujh se zaKHmon ka mudawa bhi karana hai magar
haisiyat meri rafu-gar ke 'alawa kya hai
taj-o-dastar mubarak ho tumhaare sar ko
mere sar ke liye patthar ke 'alawa kya hai
tum to is shahr ko kahte the mohabbat ka nagar
ab khanDar ho chuke manzar ke 'alawa kya hai
ab talak rista hai ye KHun mere kanon se
aap ki guftugu nashtar ke 'alawa kya hai
jaan leta nahin jine bhi nahin deta mujhe
'ishq TuTe hue KHanjar ke 'alawa kya hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
