har shai hai kaenat ki apni jagah aham

har shai hai kā.enāt kī apnī jagah aham

bartar koī kisī se na koī kisī se kam

samjhe razā ḳhudā kī to āñkheñ huī haiñ nam

zāhir meñ jo sazā thī haqīqat meñ thā karam

ġhāzī baḌā hai koī na chhoTā ġhazal-sarā

apnī jagah pe teġh hai apnī jagah qalam

is ḳhāk-dāñ ko dosto kaise kaheñ chaman

go phuul haiñ kahīñ kahīñ kāñTe qadam qadam

sūraj Dhale ki chāñd khile ham ko kyā ḳhabar

guzre jo shām-e-ġham to phir aa.e shab-e-alam

de ke 'sadā' ḳhudā mire tū roknā mujhe

gar rāh-e-mustaqīm se bhaTkeñ mire qadam

har shai hai kaenat ki apni jagah aham

bartar koi kisi se na koi kisi se kam

samjhe raza KHuda ki to aankhen hui hain nam

zahir mein jo saza thi haqiqat mein tha karam

ghazi baDa hai koi na chhoTa ghazal-sara

apni jagah pe tegh hai apni jagah qalam

is KHak-dan ko dosto kaise kahen chaman

go phul hain kahin kahin kanTe qadam qadam

suraj Dhale ki chand khile hum ko kya KHabar

guzre jo sham-e-gham to phir aae shab-e-alam

de ke 'sada' KHuda mere tu rokna mujhe

gar rah-e-mustaqim se bhaTken mere qadam