ہر شے ہے کائنات کی اپنی جگہ اہم

ہر شے ہے کائنات کی اپنی جگہ اہم

برتر کوئی کسی سے نہ کوئی کسی سے کم

سمجھے رضا خدا کی تو آنکھیں ہوئی ہیں نم

ظاہر میں جو سزا تھی حقیقت میں تھا کرم

غازی بڑا ہے کوئی نہ چھوٹا غزل سرا

اپنی جگہ پہ تیغ ہے اپنی جگہ قلم

اس خاکداں کو دوستو کیسے کہیں چمن

گو پھول ہیں کہیں کہیں کانٹے قدم قدم

سورج ڈھلے کہ چاند کھلے ہم کو کیا خبر

گزرے جو شام غم تو پھر آئے شب الم

دے کے صداؔ خدا مرے تو روکنا مجھے

گر راہ مستقیم سے بھٹکیں مرے قدم