har zarra aaine ka tahayyur ka jal tha

har zarra aa.ine kā tahayyur kā jaal thā

dekhā jidhar vahīñ koī 'aks-e-ġhazāl thā

shamshīr sā chamaktā falak par hilāl thā

kyā tīrgī kī fauj kā jāh-o-jalāl thā

kyā bāġh-e-dil meñ 'ālam-e-dīvāngī thā raat

har ek gul kā chāk-e-garebān laal thā

ashk aa.ine pe paḌte hī ā.īna ho ga.e

kyā shash-jihāt kaun-o-makāñ kā visāl thā

dīvān ke varaq na the ā.īne the 'mirāsh'

har bait kā nigār-kada be-misāl thā

har zarra aaine ka tahayyur ka jal tha

dekha jidhar wahin koi 'aks-e-ghazal tha

shamshir sa chamakta falak par hilal tha

kya tirgi ki fauj ka jah-o-jalal tha

kya bagh-e-dil mein 'alam-e-diwangi tha raat

har ek gul ka chaak-e-gareban lal tha

ashk aaine pe paDte hi aaina ho gae

kya shash-jihat kaun-o-makan ka visal tha

diwan ke waraq na the aaine the 'mirash'

har bait ka nigar-kada be-misal tha