haram kya dair kya donon ye viran hote jate hain

Akbar Allahabadi

haram kya dair kya donon ye viran hote jate hain

Akbar Allahabadi

MORE BY Akbar Allahabadi

    haram kyā dair kyā donoñ ye vīrāñ hote jaate haiñ

    tumhāre mo'taqid gabrū musalmāñ hote jaate haiñ

    alag sab se nazar nīchī ḳhirām āhista āhista

    vo mujh ko dafn kar ke ab pashemāñ hote jaate haiñ

    sivā tiflī se bhī haiñ bholī bāteñ ab javānī meñ

    qayāmat hai ki din par din vo nādāñ hote jaate haiñ

    kahāñ se lā.ūñgā ḳhūn-e-jigar un ke khilāne ko

    hazāroñ tarah ke ġham dil ke mehmāñ hote jaate haiñ

    ḳharābī ḳhana-hā-e-aish hai daur-e-gardūñ meñ

    jo baaqī rah ga.e haiñ vo bhī vīrāñ hote jaate haiñ

    bayāñ maiñ kyā karūñ dil khol kar shauq-e-shahādat ko

    abhī se aap to shamshīr-e-uryāñ hote jaate haiñ

    ġhazab yaad meñ ayyāriyāñ vallāh tum ko bhī

    ġharaz qaa.el tumhāre ham to ai jaañ hote jaate haiñ

    udhar ham se bhī bāteñ aap karte haiñ lagāvaT

    udhar ġhairoñ se bhī kuchh ahd-o-paimāñ hote jaate haiñ

    haram kya dair kya donon ye viran hote jate hain

    tumhaare mo'taqid gabru musalman hote jate hain

    alag sab se nazar nichi KHiram aahista aahista

    wo mujh ko dafn kar ke ab pasheman hote jate hain

    siwa tifli se bhi hain bholi baaten ab jawani mein

    qayamat hai ki din par din wo nadan hote jate hain

    kahan se launga KHun-e-jigar un ke khilane ko

    hazaron tarah ke gham dil ke mehman hote jate hain

    KHarabi KHana-ha-e-aish ki hai daur-e-gardun mein

    jo baqi rah gae hain wo bhi viran hote jate hain

    bayan main kya karun dil khol kar shauq-e-shahadat ko

    abhi se aap to shamshir-e-uryan hote jate hain

    ghazab ki yaad mein ayyariyan wallah tum ko bhi

    gharaz qael tumhaare hum to ai jaan hote jate hain

    udhar hum se bhi baaten aap karte hain lagawaT ki

    udhar ghairon se bhi kuchh ahd-o-paiman hote jate hain

    Source:

    • Book: Kulliyat-e-Akbar (Pg. 103)
    • Author: Akbar Allahabadi
    • Publication: Farid Book Depot
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites