harf-dar-harf likha jata hai
harf-dar-harf likhā jaatā hai
kis se vo lafz paḌhā jaatā hai
hāfize meñ koī maujūd nahīñ
tū kise yaad kiyā jaatā hai
apnī āñkhoñ se pare jā ke use
ik nazar dekh liyā jaatā hai
shāḳh-e-jāñ sūkhtī jaatī hai tamām
dard kā phuul khilā jaatā hai
is qadar sochtā rahtā huuñ use
vo mirā dhyān huā jaatā hai
andar andar kisī tah-ḳhāne kā
mujh meñ darvāza khulā jaatā hai
avval avval vahī saanī 'sānī'
tū bhī dhoke meñ paḌā jaatā hai
harf-dar-harf likha jata hai
kis se wo lafz paDha jata hai
hafize mein koi maujud nahin
tu kise yaad kiya jata hai
apni aankhon se pare ja ke use
ek nazar dekh liya jata hai
shaKH-e-jaan sukhti jati hai tamam
dard ka phul khila jata hai
is qadar sochta rahta hun use
wo mera dhyan hua jata hai
andar andar kisi tah-KHane ka
mujh mein darwaza khula jata hai
awwal awwal wahi sani 'sani'
tu bhi dhoke mein paDa jata hai
- Book : Maujood Ki Nisbat Se (Pg. 26)
- Author : Mahendra Kumar Sani
- Publication : Rekhta Publications (2019)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
