hargiz kabhi kisi se na rakhna dila gharaz

Shad Azimabadi

hargiz kabhi kisi se na rakhna dila gharaz

Shad Azimabadi

MORE BYShad Azimabadi

    hargiz kabhī kisī se na rakhnā dilā ġharaz

    jab kuchh ġharaz nahīñ to zamāne se kyā ġharaz

    phailā ke haath muft meñ hoñge zalīl ham

    mahrūm tere dar se phiregī duā ġharaz

    duniyā meñ kuchh to ruuh ko is jism se hai kaam

    miltā hai varna kaun kisī se bilā ġharaz

    vasl o firāq o hasrat o ummīd se khulā

    hamrāh hai har ek baqā ke fanā ġharaz

    ik phir ke dekhne meñ ga.ī saikḌoñ jaañ

    terī har ik adā meñ bharī hai jafā ġharaz

    dekhā to thā yahī sabab-e-hasrat-o-alam

    majbūr ho ke tark kiyā mudda.ā ġharaz

    kyūñkar na ruuh o jism se ho chand din milāp

    is ko judā ġharaz hai to us ko judā ġharaz

    ilzām tā-ki sar pe kisī tarah na ho

    ai 'shād' DhūñDtī hai bahāne qazā ġharaz

    hargiz kabhi kisi se na rakhna dila gharaz

    jab kuchh gharaz nahin to zamane se kya gharaz

    phaila ke hath muft mein honge zalil hum

    mahrum tere dar se phiregi dua gharaz

    duniya mein kuchh to ruh ko is jism se hai kaam

    milta hai warna kaun kisi se bila gharaz

    wasl o firaq o hasrat o ummid se khula

    hamrah hai har ek baqa ke fana gharaz

    ek phir ke dekhne mein gai saikDon ki jaan

    teri har ek ada mein bhari hai jafa gharaz

    dekha to tha yahi sabab-e-hasrat-o-alam

    majbur ho ke tark kiya muddaa gharaz

    kyunkar na ruh o jism se ho chand din milap

    is ko juda gharaz hai to us ko juda gharaz

    ilzam ta-ki sar pe kisi tarah ka na ho

    ai 'shad' DhunDti hai bahane qaza gharaz

    RECITATIONS

    Fasih Akmal

    Fasih Akmal

    Fasih Akmal

    hargiz kabhi kisi se na rakhna dila gharaz Fasih Akmal

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY