harif mujh sa agar ho to kuchh KHasara nahin

harīf mujh sā agar ho to kuchh ḳhasāra nahīñ

jo ḳhud bhī jiit gayā aur koī haarā nahīñ

lahū meñ Doltī phirtī hai ab bhañvar kī tarah

vo ek lahr jise ham ne paar utārā nahīñ

magar ye baat batā.ūñ to kis tarah us ko

ki ḳhāmushī meñ tirī ab mirā guzāra nahīñ

junūñ ko apne parakhnā thā so parakh aa.e

ab aur kaam koī dasht meñ hamārā nahīñ

'ajīb nashsha-e-āvārgī hai sar pe savār

sukūñ bhī aaj hameñ der tak gavāra nahīñ

harif mujh sa agar ho to kuchh KHasara nahin

jo KHud bhi jit gaya aur koi haara nahin

lahu mein Dolti phirti hai ab bhanwar ki tarah

wo ek lahr jise hum ne par utara nahin

magar ye baat bataun to kis tarah us ko

ki KHamushi mein teri ab mera guzara nahin

junun ko apne parakhna tha so parakh aae

ab aur kaam koi dasht mein hamara nahin

'ajib nashsha-e-awargi hai sar pe sawar

sukun bhi aaj hamein der tak gawara nahin